نہ دیکھا تم نے ہماری لڑائی کو بھیا

یہ کہہ رہے تھے کی بس حُرملہ کا تیر لگا

غریبِ زہرہؑ یہاں زین پر سنبھل نہ سکا

گلے لپٹ کے قضا سے حیات روتی ہے

تمام کرب و بلا ساتھ ساتھ روتی ہے

ہے ایک ماں جو یہاں ساری رات روتی ہے

نہ موت آتی تھی نہ سانس اِتنے زخمی تھے

اِسی مقام پَہ زہرہؑ نے اپنے بیٹے کے

بدن سے تیر نکالے تھے اپنے ہاتھوں سے

جو شامیوں کے تھا بس میں وہ ظلم ڈھایا گیا

یہاں پہ گھیر کے تشنہ دہن کو لایا گیا

گرا کہاں یہاں مظلوم کو گرایا گیا

گرئے تھے جس جگہ برچھی کے وار سے اکبرؑ

جوان لال کو رونے کی آرزو لے کر

یہیں سے گٹھنیوں چلتے ہوئے گئے سرورؑ

کہ مرگیا ہے یا زندہ ہے دلبرئے زہرہؑ

خیام لوٹ لو زینبؑ کے دی پھر اُس نے صدا

تڑپ کے اُٹھے تھے زینبؑ کے نام پر مولاؑ

یہاں سے آگے تکلمؔ بیان کیا ہو بھلا

غریب کیسے بھلا قتل گاہ تک پہنچا

یہیں سے زلفیں پکڑ کر لعین لے کے چلا