سرِ عباسؑ آتا ہے

سرِ عباسؑ آتا ہے

میں بچپن کی طرح سے بھائی کا چہرہ دھلاوں گی،

اگر ممکن ہے تو دے دے کوئی پانی مجھے لا کر،

سرِ عباسؑ آتا ہے

کھلا سر دیکھ کے نیزے سے جو یہ سر گراتا تھا،

نہیں ہے پاس گر چادر تو رکھ لو ہاتھ ہی سر پر،

سرِ عباسؑ آتا ہے۔

اُسے معلوم ہے یہ کتنا غیرت مند بھائی ہے،

چھپائے کس طرح زینبؑ پڑے ہیں نیل شانوں پر،

سرِ عباسؑ آتا ہے

میں ماں امالبنینؑ کی سمت سے غازیؑ کو چومو گی،

سنبھالے سر کوئی عونؑ و محمدؑ کے یہاں آکر،

سرِ عباسؑ آتا ہے،

رقیہؑ، ام لیلیٰؑ،ام فرواؑ، مادرِ اصغرؑ،

اُٹھی کہتے ہوءے ہر ماں  سر اپنے لعل کا رکھ کر،

سرِ عباسؑ آتا ہے

بھلا اُسکی بھتیجی کو کہاں سے لائے گی زینبؑ،

نگاہیں اُسکی ڈھونڈیں گی سکینہؑ کو یہاں آ کر،

سرِ عباسؑ آتا ہے

تکلم شامیوں کی عورتیں بھی روتی جاتی ہیں،

علیؑ کی بیٹیاں جلدی سے زخموں کو چھپاتی ہیں،

کھڑی ہے ہاتھ پھیلائے ہوئے خود زینبِؑ مضطر،

سرِ عباسؑ آتا ہے۔۔۔۲