اپنے بیٹے کی وفا پر فخر ہے مجھ کو بڑا

اب نہیں اصغرؑ کی ماں سے کچھ مجھے شرمندگی

پاؤں خط دیتے تھے اُسکے بیٹھ کر رہوار پر

ہائے میرے شیرؑ کی یہ کیسی حالت ہوگئی

سُنتی ہوں نو لاکھ نے مارا ہے اس کو گھیر کر

لاش بھی اُس کی سلامت دشت میں رہنے نہ دی

سر جُدا ہے تن جُدا بازو جُدا ہیں شیر کے

آپ کی تصویر ٹکڑے ہوگئی ہے یاعلیؑ

کردیا ہے ظالموں نے یہ تیرے لاشے کا حال

ہے میرے سر کی ردابھی تیری تُربت سے بڑی

ایک گٹھڑی میں سمٹ کر کیسے قاسمؑ آگیا

اُمِ فرواؑ جانتی ہے کیا ہے میری بے کسی

فاطمہ زہرہؑ سے ماں بیٹے نے کی ایسے وفا

مادِر عباسؑ کی تُربت بھی ہے ٹوٹی ہوئی

ڈرتی ہوں جاری نہ ہوپھر اُسکی آنکھوں سے لہو

سامنے عابدؑ کے یوں کہتی نہیں ہوں میں کبھی