اصغرؑ ہو تم کہاں

مقتل میں بیٹھی خاک پر نوحہ کناں ہے ماں اصغرؑ ہو تم کہاں، اصغرؑ ہو تم کہاں   جھولا جلا تو جل گئے ارمان بھی میرے بیٹھی رہی ایک ہی حسرت لئے ہوئے دولہا تمہیں بناؤں گی جب ہو گے تم جواں   بکھرے ہوئے یہ چاند ستارے زمیں پہ ہیں زندہ نہیں ہے کوئی مگر سب یہیں پہ ہیں اِک تیری لاش ہی نہیں لاشوں کے درمیاں   دو چار دن بھی زندہ نہیں رہ سکوں گی میں اتنا تیری غریبی پہ ماتم کروں گی میں اے لعل میرے ہاتھوں کی کھلوا دے رسیاں   مقتل سے قافلے کو گزارا گیا تھا جب پیاروں کو اپنے دیتے تھے رو کر صدائیں سب یہ کہتے کہتے بندھ گئیں بانوؑ کی ہچکیاں   مجلس وہیں پہ میر تکلمؔ بپا ہوئی ماں تُربتِ صغیرؑ پر کہتی تھی جس گھڑی جاتا ہے سوئے شام اب لُٹ کر یہ کارواں اصغرؑ ہو تم کہاں