الاماں الاماں یا صاحبِ الزماں
الاماں الاماں یا صاحبِ الزماں
ٹوٹی ہوئی ہیں آج بھی زہرہ کی پسلیاں
حق مانگنے جو فاطمہؑ دربار میں گئی
بیٹھے رہے تھے لوگ کسی نے حیا نہ کی
زینبؑ کی ماں کھڑی رہی لوگوں کے درمیاں
واہ غربتا بتولؑ پے کیسی تھی وہ گھڑی
تم کو صدائیں دیتی تھی بیٹی رسولﷺ کی
دیوار اور جلتے ہوئے در کے درمیاں
ڈھاتی رہی ستم پہ ستم اُمتِ رسولﷺ
دیتی رہی اذانِ ولایت وہاں بتولؑ
زہرہؑ کی بات سُنتا نہیں تھا کوئی جہاں
دربار سے لوٹ کے بنتِ نبیﷺ گئی
گُزرے نی اُس مقام سے مولا حسنؑ کبھی
جس کوچے میں گری تھی زمیں پر حسنؑ کی ماں
آباد ہوگا پھر سے اُجڑا ہوا دِیار
تب ہوگا ختم فاطمہ صغریٰؑ کا انتظار
اکبرؑ کی طرح دو گے مدینے میں جب اذاں
تنہائی قید دُرّے یتیمی اندھیرا گھر
حد ہے یہ کوئی جا بھی نہیں سکتا قبر پر
اب اور کتنا ہوگا سکینہؑ کا امتحاں
کڑیل جواں کو روتی ہے تربت میں آج بھی
اکبرؑ کے تو کلیجے سے برچھی نکل گئی
زینبؑ کے دِل سے نکلی نہیں آج تک سناں
بالی سکینہؑ قید ہے زنداں میں آج بھی
اکبرؔ ہے انتظار میں بیٹی حسینؑ کی
اب بھی سنائی دیتی ہیں بچی کی ہچکیاں
(حسنین اکبرؔ)
