ایسا دنیا میں کوئی بندہِ رحمان نہیں

ایسا دنیا میں کوئی بندہِ رحمان نہیں جس پہ سلطانِ خراسان کا احسان نہیں

اسطرح تیری کریمی پہ یقیں ہے مجھکو جیسے توحید میں شک کا کوئی اِمکان نہیں

وہاں گئی فکر میری مدحِ رضاؑ کی خاطر جہاں جبرائیلؑ کے جانے کا بھی امکان نہیں

شیخ جی مدحِ رضاؑ سُن کے یہ حیرت کیسی کیا کبھی تُم نے سنی سورۃ رحمان نہیں

تیرے دربار میں بچتی ہوئی نوبت کی قسم کم اذانوں سے تیری جیت کا اعلان نہیں

ہر گھڑی لب پہ میرے نامِ علیؑ رہتا ہے کون کہتا ہے کہ میں حافظِ قرآن نہیں

مل گیا جب تیری خدامی کا تمغہ اِسکو اب تیرے میر حسنؔ کو کوئی ارمان نہیں