مختارؒ مجھے پہچان میں زینبؑ ہاں
مختارؒ مجھے پہچان میں زینبؑ ہاں
ہائے میں زینبؑ ہاں ہائے میں زینبؑ ہاں
جنگ نئیں کرنی مختارؒ بِھرا
میں وِچ دربار دے آئی کھڑی آں
رت روندا بچڑا بچ پوے
اس آس تے کڑیاں پائی کھڑی آں
تلوار دی لوڑ سی کربل وچ
ہُن جنگ دے زاویے بدل گئے
میں ٹور کے نال سکینہؑ کوں
تبلیغ دا ذمہ چائی کھڑی آں
عباسؑ دی تیغ تے چھوڑ ودی
اے چبدے وار نیں جھل سکدے
اج فضلؑ تے ویر غازیؑ والی
میں خود پابندیاں لائی کھڑی آں
توڑے جنگ کربل دی مُک گئی اے
نئیں سلسلہ رُکیا لاشاں دا
راہواں دے وچ معصوماں دے
میں کئی لاشے دفنائی کھڑی آں
اگے کربل دے میدان دے وچ
بے کفن جنازے چھوڑ آئی آں
دادے عمرانؑ دی نسل وچوں
ہُن ہِک سجادؑ بچائی کھڑی آں
تون سر نیں چیندا جاندی ہاں
نیں ویکھنا چاہندا باج ردا
میں خود سجادؑ دی کنڈ اولے
سر اپنا ویر لُکائی کھڑی آں
گوہر مختارؒ کوں سین آکھے
بے کفن بھرا دی بہین آں میں
چادر دی جا سر اطہر تے
میں شامِ غریباں پائی کھڑی آں
