پہلو بھی شکستہ ہے تُربت بھی شکستہ ہے
پہلو بھی شکستہ ہے تُربت بھی شکستہ ہے
کیا حال یہ اُمت نے زہراؑ کا بنایا ہے
خاتون کوئی غم سے یوں چُور نہیں دیکھی
ایسی کوئی دنیا میں مستورنہیں دیکھی
اٹھاراں برس میں ہی لگتی جو ضیعفہ ہے
دربار میں ظالم نے کی ایسی پزیرائی
کس طرح سے تو بی بیؑ پھرلوٹ کے گھر آئی
بالوں کی سفیدی نے سب حال سنایا ہے
تو روتی رہی گھر میں حیدرؑ سے بھی چھُپ چھُپ کے
عصت کی طرح دکھ بھی پردے میں رہے تیرے
کچھ درد تیرے بی بیؑ بس جانتی فضاؑ ہے
دو ایسے جنازے ہیں تاریکی میں جو اُٹھے
بس گھر کے ہی لوگوں نے دونوں کو دیے کاندھے
اِک فاطمہ زہراؑ ہے اِک بالی سکینہؑ ہے
مرہم تیرے زخموں کا بی بیؑ نہ ملا اب تک
اولادِ اُمیہ کی باقی ہے جفا اب تک
رونے پہ بھی پہرا تھا تُربت پہ بھی پہرا ہے
مسمار تیرا روزہ اُمت نے کیا جب سے
باباﷺ تیرا رہتا ہے تُربت پہ تیری تب سے
کب گنبدِ خزرا میں باباﷺ تیرا رہتا ہے
مہدیؑ سے کوئی پوچھے کیا اُس پہ گزرتی ہے
آواز بقیہ سے جب رونے کی آتی ہے
آنکھوں سے لہو رو کر وہ بھی یہی کہتا ہے
حسرت ہے یہی مولاؑ ہر ماتمی سینے میں
آپ آئیں تو ہو ماتم جی بھر کے مدینے میں
ہر ماتمی سینے پر لکھا یہ عریضہ ہے
تصویر حقیقت کی خوابوں کو بنا دیجیئے
اے بی بیؑ تکلمؔ کو تعبیر دکھا دیجیئے
ماتم تیری تُربت پہ ہوتے ہوئے دیکھا ہے
