عجیب حال میں ہیں فاطمہؑ کے دونوں پِسر
عجیب حال میں ہیں فاطمہؑ کے دونوں پِسر
حسنؑ تیر بدن میں حسینؑ تیروں پر
حسنؑ کو دیکھا ہے قاسم نے خوں اُگلتے ہوئے
سکینہؑ دیکھتی ہے باپ کو تحہِ خنجر
ناجانے دیکھے ہیں زینبؑ نے تشت میں کیسے
جگر کے ٹکڑے حسنؑ کے کھبی حسینؑ کا سر
حسنؑ نے جاتے ہوئے چومے بازو زینبؑ کے
حسینؑ جاتے ہوئے چومتے رہے چادر
حسنؑ کے بیٹے کے اُمت نے کر دئیے ٹکڑے
حسینؑ لاتے ہیں ٹکڑے وہ سارے چُن چُن کر
اُدھر حسنؑ کے جنازے پر پھول تیروں کے
اِدھر حسینؑ کے لاشے کی نظر ہیں پتھر
اُدھر حسن کا جنازہ پھرایا گلیوں میں
سرِ حسینؑ پھرایا گیا اِدھر در در
تڑپ رہے ہیں جنازے کچھ اور یوں اکبرؔ
کہ تیر کھینچ رہی ہے بدن سے خود مادرؑ
