ایک غریب الوطن قید میں مر گیا
ہائے موسیٰ ئِ کاظم
اک غریب الوطن قید میں مر گیا
پُل پہ بغداد کے ہے جنازہ رکھا
خون آنکھوں سے اپنی بہاتے ہوئے
ہتھکڑی بیڑیاں طوق پہنے ہوئے
قید سجاد کی یاد کرتا ہوا
اک غریب الوطن ۔۔۔
جس کے اٹھارہ بیٹے جواں سال کے
اُس کی میت کو مزدور لے کر چلے
بین کرتی چلی ساتھ میں سیدہ
اک غریب الوطن ۔۔۔
اجنبی شہر ہے دور اہلِ وطن
تیرے بابا کو دے کون غُسل و کفن
آئو جلدی وطن سے امامِ رضا
اک غریب الوطن ۔۔۔
صبر کرنا ہے صغریٰ کے جیسا تجھے
راستہ دیکھنا باپ کا چھوڑ دے
جا کے معصومہِ قُم سے کہہ دے ہوا
اک غریب الوطن ۔۔۔
قید میں چل بسا شاہِ کون و مکاں
اب تو مظلوم کی کھول دو بیڑیاں
تم نے چاہا تھا جو لو وہی ہو گیا
اک غریب الوطن ۔۔۔
لاش پر بھی نہیں رونے والا کوئی
وارثِ دین کی ہائے بے وارثی
ڈھونڈتی ہے قضا دفن کرنے کی جا
اک غریب الوطن ۔۔۔
بین کرتے تکلم سبھی آ گئے
کربلا سے مدینے سے اور شام سے
چودہ برسوں کا قیدی رہا ہو گیا
اک غریب الوطن چلو۔
