ہے انبیاءؑ کا وظیفہ علیؑ علیؑ کرنا

ہے انبیاءؑ کا وظیفہ علیؑ علیؑ کرنا ہر امتحان میں ہمیشہ علیؑ علیؑ کرنا

منافقوں کو محبوں کو رشتہ داروں کو بلا کے خُم میں سوا لاکھ جانثاروں کو لیا رسولﷺ نے وعدہ علیؑ علیؑ کرنا

اے لوگو میرے جنازے کے ساتھ چلتے ہوئے میرے بدن کو لحد کے سپرد کرتے ہوئے ہے التجا میری ہر جا علیؑ علیؑ کرنا

کہا یہ نوحؑ نے خود سے پہنچ کے ساحل پر سفینہ رکھتا ہوئے بھی میں ڈوب جاتا مگر مجھے بچا گیا میرا علیؑ علیؑ کرنا

اے جانے والے حرم کے یہ مشورہ ہے میرا جو چاہتا ہے تیرا حج کرے قبول خدا تو جا کے خانہ کعبہ علیؑ علیؑ کرنا

زبان میرؔ پہ اکبرؔ یہی تو نعرہ ہے زمانے بھر کو یہی مشورہ ہمارا ہے کوئی جو روکے زیادہ علیؑ علیؑ کرنا