ہاں وہ ہیں فاطمہؑ
نازل دلِ رسول پر جو معجزہ ہوا ہاں وہ ہیں فاطمہؑ
چرخہ جو کاٹتی ہے تو بُنتی ہے آسماں چکی جو پیستی ہے تو چلتا ہے یہ جہاں یوں ہاتھ کبریا کا بٹاتی ہے فاطمہؑ ہاں وہ ہیں فاطمہؑ
زہراؑ کی عظمتوں کو کیا سمجھے گا یہ بشر حسنینؑ باغِ خُلد کے سردار ہیں مگر جنت حسنؑ حسینؑ کی ہے جس کے زیرِ پا ہاں وہ ہیں فاطمہؑ
قانونِ کبریا ہے یہ اِس کائنات میں شوہرکا رزق لکھا ہے زوجہ کے ہاتھ میں تحریر جس کے ہاتھ میں ہے رزقِ مرتضیٰؑ ہاں وہ ہیں فاطمہؑ
تنظیمِ کائنات میں حیدرؑ کے ساتھ تھی مٹی خمیرِ حضرتِ آدمؑ سے جو بچی جس نے اُسی خمیر سے حوا کو دی جِلا ہاں وہ ہیں فاطمہؑ
معصوم کی حدیث ہے سب کو ہے یہ خبر چودہ نقابِ نور ہیں خالق کے نور پر پہلا نقاب جو ہے رُخِ کردگار کا ہاں وہ ہیں فاطمہؑ
حق تو یہی تھا ہوتا تعارف رسولﷺ سے رشتے مگر خدا نے گنائے بتولؑ سے جسکے لئے نظامِ شریعت بدل گیا ہاں وہ ہیں فاطمہؑ
عصمت کا رب نے پاس یوں رکھا کتاب میں آیات میں بھی ذکر کیا تو حجاب میں قرآں میں جسکانام بھی کھُل کر نہیں لکھا ہاں وہ ہیں فاطمہؑ
منگوا کے دو لباسِ فلک اختیار سے جس نے حسنؑ حسینؑ کی خواہش کے واسطے آیات لانے والے کو درزی بنا دیا ہاں وہ ہیں فاطمہؑ
اکبرؔ کو نورِ آلِ محمد کی ہے قسم دنیا میں میرؔ کوئی نہیں اُس سے محترم وہ جسکے احترام میں اُٹھتےہوں مصطفیٰﷺ ہاں وہ ہیں فاطمہؑ
