جب آیئہ بلّغ تیرے تیور نظر آئے

جب آیئہ بلّغ تیرے تیور نظر آئے دنیا میں علیؑ سب سے قدآور نظر آئے

سورج کی کہیں دھوپ کہیں عشق کا سایہ اِک وقت میں دو طرح کے منظر نظرآئے

اِک نور کے دو ٹکڑے تھے آئینہِ خم میں جس رُخ سے بھی دیکھا وہ برابر نظر آئے

اعلانِ ولایت کا ہزاروں نے سُنا تھا مانگی جو شہادت تو بہتّر نظر آئے

ہاتھوں سے میرے چھوٹ گیا ساغرِ کوثر کوثر پہ جو خود ساقیِ کوثر نظر آئے

اللہ رے یہ معجزہِ نورِ ولایت اندھوں کو بھی میدان میں حیدرؑ نظرآئے

نبیوںؑ کو جہاں ڈھونڈ رہا تھا میں وہاں پر فضاؒ نظر آئی کبھی قمبؒر نظر آئے

کہہ دینا کہ بہلول ہے یہ میر حسنؔ بھی دنیا جو اُٹھائے ہوئے پتھر نظر آئے