جاگے ہوئے فتنوں کو سُلانے چلے آؤ

جاگے ہوئے فتنوں کو سُلانے چلے آؤ اب بیت گئے کتنے زمانے چلے آؤ

گیارہ سو برس کیسے گزارے میرے آقاؑ غیبت میں جو گزری ہے سنانے چلے آؤ

جب آنا ہو آجانا مگر خواب میں میرے کب آؤ گے مولاؑ یہ بتانے چلے آؤ

یہ ماتمی ہے یہ ہے نمازی یہ کوئی اور اِن ساری فصیلوں کو گرانے چلے آؤ

ہو قادرِ مُتلک کی تمہی آخری حجت مجبوروں کو مختار بنانے چلے آؤ

ہر سمت رواں ہے ابو سُفیان کا سِکّہ سِکّہ ابو طالبؑ کا چلانے چلے آؤ

غازیؑ کا علم آپکے لشکر کا نشاں ہے کعبے پہ اِسے مولاؑ سجانے چلے آؤ

ارمان ہے غیبت سے صدا آئے کہ سبطِ جعفرذرا اشعار سنانے چلے آؤ