کیا کرے عباسؑ
رسن میں ہاتھ بندھے ہیں بہن ہے بے پردہ
سِنا سے سر نہ گِرائے تو کیا کرے عباسؑ
پدر کی لاش سے اُس کو چھڑایا جاتا ہے
ستم ہے ناکے پہ تنہا بٹھایا جاتا ہے
رسن میں بالی سکینہؑ کا بند رہا ہے گلا
سِنا سے سر نہ گرائے تو کیا کرے عباسؑ
وہ کس طرح سے تسلی دے آ کے مادر کو
کیا ہے دشت میں دو بار زبح اصغرؑ کو
لحد سے آ گیا نیزے پہ جسم اصغرؑ کا
سِنا سے سر نہ گرائے تو کیا کرے عباسؑ
چھپا کے بالوں سے منہ شرمسار ہوتی ہے
وہ پشتِ ناکہ پہ اب خود سوار ہوتی ہے
یہ کیسا وقت ہے زہراؑ کی بیٹیوں پہ پڑا
سناِ سے سر نہ گرائے تو کیا کرے عباسؑ
دھیان لاشہِ شبیرؑ سے ہٹانا تھا
دوبارہ سیدِ سجاد کو بچانا تھا
گِری ہے ناکے سے مقتل میں ثانیِ زہراؑ
سِنا سے سر نہ گرائے تو کیا کرے عباسؑ
کہیں پہ قاسمؑ و اکبرؑ کہیں پہ عونؑ کا سر
کہیں ہیں لعل رقیہؑ کے اور کہیں اصغرؑ
وہ بچے نیزوں پہ ہیں گود میں جنہیں پالا
سِنا سے سر نہ گرائے تو کیا کرے عباسؑ
ہے نیل چہرے پہ اتنے تماچے مارے ہیں
لعین نے کھینچ کے کانوں سے دُر اُتارے ہیں
ہے دونوں کانوں سے معصوم کے لہو بہتا
سِنا سے سر نہ گرائے تو کیا کرے عباسؑ
سر اُسکا کیسے سِنا پر کوئی اُٹھا کے چلے
جو شہہؑ کے سامنے نظریں صدا جُھکا کے چلے
تقاضا میر تکلمؔ ہے اُسکی غیرت کا
