مسلمؑ کے شہزادے
مسلمؑ کے شہزادے۔۔
ہائے ابراہیمؑ ، ہائے محمدؑ۔
لعل رقیہؑ کے،مسلمؑ کے شہزادے۔
کوفے میں گھِر گئے ہیں مسلمؑ کے شہزادے
جانے دے ہم کو ظالم، ہارث سے بولے بچے
پھرتے ہیں مارے مارے، دو دن سے بھوکے پیاسے
سر کاٹنے سے پہلے۔۔۔۲
پانی ہمیں پلا دے
لگتے تھے جب تماچے، ماں کو پکارتے تھے
ہنستا تھا جب ستمگر، کہتے تھے رو کے بچے
ظالم ہماری کوئی۔۔۔۲
تکسیر تو بتا دے،
دل پر اثر ہے اتنا، عباسؑ کی وفا کا
خواہش بڑے کی ہے وہ قربان پہلے ہو گا
چھوٹا یہ چاہتا ہے۔۔۔۲
وہ پہلے سر کٹا دے
جسکو امیرِ مسلمؑ، شہہؑ نے لقب دیا تھا
اولاد پر اُسکی آیا ہے وقت کیسا
جو چاہے گھڑکیاں دے۔۔۔۲
جو چاہے سزا دے
مسلمؑ کی تھی وصیت، دو میرے لاڈلے ہیں
آفت پڑی ہے ایسی، مجھ سے بچھڑ گئے ہیں
مر جاوں جب میں کوئی۔۔۔۲
ماں سے اُنھیں ملا دے
ڈھونڈو یہیں کہیں ہیں، اُن سے بھی بدلا لونگا
حاکم یہ کہہ رہا تھا، انعام اُسکو دونگا
غازیؑ کے بھانجوں کو۔۔۔۲
جو قید کر کے لا دے
کوفے کے در پہ جس دم، مسلم کی لاش دیکھی
اکبر کہا یہ ماں نے، رو رو کے میرے والی
بتلا دے بس کہاں ہیں۔۔۔۲
آقا کنیز زادے
حسنین اکبر
