قلندر سائیں
قلندرؒ سائیں
میر ے مُرشد میرے سردار قلندرؒ سائیں ہو کرم ہم پہ پھر اک بار قلندرؒ سائیں
سندھ والو یوں تمہیں چین سے سونا ہے نصیب شہر سہون میں ہے بیدار قلندرؒ سائیں
تو نے لہرا دئیے گھر گھر پہ علم غازیؑ کے تجھ سے راضی ہے علمدارؑ قلندرؒ سائیں
میرا دل کہتا ہے شبیرؑ بلاتے ہوں گے لعل کہہ کر تمہیں ہر بار قلندرؒ سائیں
گونجتا رہتا ہے ہر وقت تیرے روضے پر نعرہ حیدر ؑ کرّار قلندرؒ سائیں
ہے یقیں لشکرِ مہدیؑ میں بھی ہو گی موجود آپ کے نام کی تلوار قلندرؒ سائیں
اِن دھماکوں کی دھمک سے نہیں ڈرنے والے تیرے دربار کے زوار قلندرؒ سائیں
وہ تکلمؔ کی طرح ڈالے گا مستی میں دھمال جو تجھے دیکھ لے اک بار قلندرؒ سائیں
(میر تکلم)
